उपक्रम

दिनांक 19 ऑगस्ट 2024 रोजी भारत देशामध्ये सर्वत्र रक्षाबंधनाचा पवित्र सण मोठ्या उत्साहामध्ये साजरा करण्यात आला.आपल्या विद्यार्थी सहाय्यक समितीमध्ये सुद्धा रक्षाबंधनाचा सण अत्यंत आनंदमय वातावरणामध्ये साजरा झाला. दरवर्षीप्रमाणे माजी विद्यार्थी मंडळाच्या मनिषाताई गोसावी( सचिव,माजी विद्यार्थी मंडळ),प्रार्थना सदावर्ते मॅडम,अनिता देशपांडे-सावंत, विद्या लिमये, मृण्मयी लिमये आणि गणेश काळे सर( अध्यक्ष, माजी विद्यार्थी मंडळ) यांच्या उपस्थितीत हा रक्षाबंधनाचा सण लजपत संकुलातील पुसाळकर हॉलमध्ये साजरा करण्यात आला. यावेळी पर्यवेक्षक म्हणून सचिन मोकाशी सर उपस्थित होते. सर्व उपस्थित माजी विद्यार्थिनींनी आणि आजी विद्यार्थिनींनी लजपत संकुलातील मुलांना राखी बांधून त्यांना रक्षाबंधनाच्या शुभेच्छा दिल्या. यावेळी विद्यार्थ्यांना गोड खाऊ देखील देण्यात आला. ग्रामीण भागामधून पुण्यासारख्या मोठ्या शहरांमध्ये शिक्षणासाठी आलेल्या विद्यार्थ्यांना नेहमीच आपल्या घराची आणि घरच्यांची उणीव भासते.

रक्षाबंधनासारख्या पवित्र सणाच्या दिवशी सुद्धा विद्यार्थ्यांना शिक्षणामुळे आपल्या घरी जाता येत नाही. अशा विद्यार्थ्यांना राखी बांधून त्यांचा रक्षाबंधनाचा सण आपल्याच विद्यार्थी सहाय्यक समितीमध्ये मोठ्या उत्साहात साजरा केला जातो. *माजी विद्यार्थी मंडळाच्या या संकल्पनेचे विद्यार्थ्यांनी खूप कौतुक केले, आणि त्यांना मनापासून आनंद वाटला. रक्षाबंधनाच्या या सणाच्या दिवशी मुलांना जी घरची उणीव भासत होती ती विद्यार्थी सहाय्यक समितीने भरून काढली.